NA BOPHODISA BJA DIKAROLO KE ENG?
Bophodisa bja Dikarolo ke mokgwa wa bophodisa woo ka wona tikologo ya tirelo ya setiši sa maphodisa e arogantšwego ka gona ka ditikologo tše nnyane, tša go laolega tšeo di bitšwago dikarolo. Mo karolong ye nngwe le ye nngwe, ba Tirelo ya Maphodisa a Afrika Borwa ba tla thwala Mohlankedi wa Maphodisa yoo a tla bitšwago Molaodi wa Karolo.
Setšhaba le molaodi wa bona wa karolo ba tla dirišana mmogo go kgonthišiša gore go na le polokego le tšhireletšo.
NA MOŠOMO WA MOLAODI WA KAROLO KE ENG?
Go kgobokanya le go rulaganya setšhaba karolong ka go šoma mmogo kgahlanong le bosenyi bja selegae;
Go šoma bjalo ka mmaditsela gare ga setšhaba sa karolo le setiši sa maphodisa a selegae;
Bjalo ka mohlankedi wa thibelo ya bosenyi, o tla ba le maikarabelo a maano le diprotšeke tša go lebelelana le bosenyi ka karolong.
NA MOŠOMO WA SETŠHABA KE ENG?
Go tsenela dikopano tša Foramo ya Karolo ya tša Bosenyi e lego Sector Crime Forum (SCF) moo go boledišanago ka magato ao a swanetšego go tšewa le Molaodi wa Karolo ka go lebelelana le bosenyi ka gare ga karolo;
Go hlama le go kgatha tema mešomong ya baagišani ya go šireletša baagi ba felo fao;
Go fana ka tshedimošo le diteko tša go thibela bosenyi ka karolong;
Go thekga ka phišegelo Bophodisa bja Karolo ka go ithaopa bjalo ka Marisefe ka dikarolong.
Kgatha tema ka go ikgokaganya le molaodi wa karolo ya gago le ka go šireletša tikologo ya geno
Go dirwa boipiletšo go borakgwebo ba tikologo, dikhanselara, mekgatlo ya baagi le baetapele ba setšhaba go kgatha tema mešomong ka moka ya go laola mabaka ao a hlolago bosenyi tikologong ya geno.
